Arbeidsopphald for kunstnarar hos Seanse

Arbeider du med ein idé om ein kunstproduksjon for barn eller unge? Kunstnarar og kompani innan alle sjangrar er velkomne til å søkje om arbeidsopphald under Kunstnarveke 32 hos Seanse – senter for kunstproduksjon ved Høgskulen i Volda

Seanse er eit senter for kunstproduksjon ved Høgskulen i Volda, avdeling for kulturfag. Seanse tilbyr arbeidsopphald for kunstnarar som vil utvikle produksjonar for barn og unge. Seanse arrangerer workshops og konferansar omkring kunstfaglege tema. Seanse arbeider for dialog og kunnskapsoverføring mellom kunst- og utdanningsfeltet.

Musikar, scenekunstnar, dansar, bildekunstnar, filmskapar, fotograf, forfattar? Kunstnarar i alle sjangrar og uttrykk er velkomne til å søke om arbeidsopphald hos Seanse. Dei kunstproduksjonane som Seanse støttar når ofte ut til eit stort publikum mange stader i landet, til dømes gjennom Den kulturelle skulesekken.

Seanse tilbyr:

Arbeidsopphald i veke 32, måndag 8. – fredag 12. august.

Tilgjengelege produksjonslokale og arbeidsrom etter behov
Dagshonorar og dekte utgifter til reise og opphald
Tilgang på relevant utstyr og materiell etter avtale
Kvalifisert kunstfagleg og barnefagleg rettleiing
Høve til å prøve ut produksjonar for barn og unge i målgruppa og fagleg utveksling med andre kunstnargrupper
Fagleg nettverksbygging i møte med andre kunstnargrupper og fagpersonar

Søknadsfrist og søknadspapir:

Søknadsfristen er tysdag 31. mai Nye søkjarar søkjer med prosjektskildring, søknadsskjema og vedlegg. Søknadsskjema og retningslinjer finn du på nettsida

Kunstnarar som allereie har inne søknad hos Seanse frå 2010 eller 2011, treng ikkje sende inn vedlegg på nytt dersom de ynskjer å søkje med same prosjekt. Send oss likevel eit søknadsskjema med kontaktopplysningar der de viser til førre søknad, slik at vi får registrert dykk som interesserte.

Velkommen med søknad om deltaking på ei produktiv og inspirerande arbeidsveke saman med kunstnarkollegaer frå heile landet! Kontakt oss ved spørsmål!

Scenekunst.no A/S Scenekunst.no er en redaksjonelt uavhengig nettavis for profesjonell scenekunst og tilhørende kulturpolitikk. Vi følger Norsk redaktørforenings redaktørplakat.

Scenekunst.no er medlem av Norsk Tidsskriftforening. Scenekunst.no er støttet av Norsk kulturfond. Fra 2016 er tidsskriftet organisert som et almennyttig aksjeselskap med NTO, DTS, NSF og NoDA som eiere og bidragsytere. Fagforbundet Teater og Scene gir også årlig støtte.

Ansvarlig redaktør Julie Rongved Amundsen redaktor@scenekunst.no

Fagredaktør for opera og scenisk kunstmusikk Hilde Halvorsrød hilde@scenekunst.no

Vil du annonsere på scenekunst.no?

Kunnskapsmedia AS Sture Bjørseth +47 954 36 031 annonser@scenekunst.no